ब्रेकिंग

देश

कर्नाटकात आता हुक्काबंदी

Wrutuja pandharpure
01 Jun 2025

तंबाखूजन्य उत्पादन खरेदीची वयोमर्यादा १८ वरुन २१ वर

बंगळुरू : कर्नाटकात हुक्का बारवर बंदी घालण्यात येणार आहे. त्या अंतर्गत सरकारने वटहुकूम काढला आहे. तंबाखुजन्य उत्पादन खरेदीसाठी वयोमयार्र्दा १८ वरुन वाढवून २१ करण्यात आली आहे. नियमांचे उल्लंघन करणार्‍यांना दंड ठोठावला जाणार आहे. या संदर्भातील अध्यादेश सरकारने ३० मे रोजी काढला आहे. सिगारेट आणि तंबाखूजन्य उत्पादनांवरील बंदीबाबतचे विधेयक राष्ट्रपतींकडे मंजुरीसाठी पाठवले होते. त्याला २३ मे हिरवा कंदील देण्यात आला आहे. तरतुदीनुसार राज्यात सावर्र्जनिक ठिकाणी तंबाखूजन्य उत्पादनांची विक्री अथवा प्रदर्शन करता येणार नाही. त्यात धूम्रपान करण्याबरोबरच आणि पदार्थ चघळून रस्त्यावर थुंकण्यास बंदी घातली आहे. मात्र, विमानतळे, हॉटेल, रेस्टॉरंटमध्ये धूम्रपानासाठी राखीव खोली ठेवण्यास परवानगी दिली आहे. कलमांखाली सार्वजनिक ठिकाणी धूम्रपान करणार्‍यांना आणि २१ वर्षांखालील तरुणांना तंबाखूजन्य पदार्थांची विक्री करताना आढळला तर १ हजार रुपये ंदंड ठोठावला जाणार आहे. पूर्वी दंडाची रक्कम २०० रुपये होती.